Պենտագոնից պահանջել են բացահայտել սոցցանցերում զինվորականների էջերին հետևելու մասին տվյալները
Ամերիկյան Judicial Watch իրավապաշտպան կազմակերպությունը դատարանի միջոցով ԱՄՆ պաշտպանության նախարարությունից պահանջել է տեղեկություններ բացահայտել սոցիալական ցանցերում զինվորականների էջերի վերաբերյալ գերատեսչության կողմից տվյալների հնարավար հավաքման մասին: Ըստ ՏԱՍՍ-ի, այս մասին ասվում է կազմակերպության հայտարարության մեջ:
«Judicial Watch-ն այսօր հայտարարեց, որ ԱՄՆ-ի Տեղեկատվության ազատության մասին օրենքի հիման վրա դատական հայց է ներկայացնում ԱՄՆ-ի պաշտպանության նախարարության դեմ՝ ցանկացած տեղեկատվության առնչությամբ այն մասին, արդյոք նա վերահսկում կամ ծրագրում է վերահսկել զինծառայողների սոցցանցերի հաշիվները», – ասվում է փաստաթղթում:
Հայցը չորեքշաբթի օրը ներկայացրել է Judicial Watch-ի փաստաբան Ջեյմս Պետերսոնը: Պենտագոնը նշված է որպես մեղադրյալ: Արդեն ծանուցագիր է ուղարկվել գերատեսչության ներկայացուցիչներին:
