Թուրքիայի սևծովյան ափին՝ Կաստամոնու նահանգում, հորդառատ անձրևներից հետո հեղեղների հետևանքով 9 մարդ է զոհվել: Известия-ի հաղորդմամբ, այս մասին հինգշաբթի հայտարարել է երկրի արտակարգ իրավիճակների և բնական աղետների կառավարումը:
Հաղորդագրության մեջ նշվում է, որ մեկ մարդ անհետ կորել է Բարթինում: Ներկա դրությամբ նրան որոնում են:
Աղետի գոտու բնակիչները տարհանվել են: Մոտ 300 բնակավայր մնացել է առանց էլեկտրամատակարարման, որոշ շրջաններում բջջային կապի աշխատանքի ընդհատումներ են նկատվում:
Օդերևութաբանները կանխատեսում են, որ անձրևները կավարտվեն մինչև հինգշաբթի երեկո:
