Պենտագոնը պետք է վերահսկի արբանյակներին հակազդելու ռուսական և չինական մշակումները, հայտարարել է ԱՄՆ տիեզերական ուժերի հրամանատարի տեղակալ, գեներալ-լեյտենանտ Չենս Սոլցմանը ԱՄՆ ռազմաօդային ուժերի ասոցիացիայի կազմակերպած տեսասեմինարի ժամանակ:
«Ռուսաստանը և Չինաստանը մեր մրցակիցներն են: Նրանք ունեն համակարգեր, որոնք նախատեսված են ոչնչացնել և վնասել ուղեծրում գտնվող մեր համակարգերը, խաթարել դրանց աշխատանքը», պնդում է արել նա: Ըստ Սոլցմանի, Մոսկվան և Պեկինը «ակտիվորեն զարգացնում են» այդ միջոցները վերջին 20 տարիների ընթացքում:
Ինչպես նշել է ԱՄՆ ռազմական գերատեսչության ներկայացուցիչը, Վաշինգտոնը ավելի ու ավելի է հակված Չինաստանը դիտել որպես «աճող սպառնալիք»: Պետք է հետևել Ռուսաստանի գործունեությանը, քանի որ նա ունի շատ արդյունավետ հակատիեզերական համալիր, ավելացրել է Սոլցմանը, որի խոսքերը հաղորդում է ՏԱՍՍ-ը:
