Հուլիսի կեսերից Կալիֆորնիայի հյուսիսի «Դիքսի» անտառային հրդեհի տարածքը գերազանցել է 202 հազար հեկտարը, հայտնում է ՏԱՍՍ-ը:
Հրդեհը տեղայնացված է 30%-ով: Մեկ ամսվա ընթացքում կրակը ոչնչացրել է 1045 շինություն, այդ թվում`550 բնակելի շենք: Քամին, ջերմությունը և օդի ցածր խոնավությունը նպաստում են կրակի տարածմանը:
Ինչպես հաղորդել է Ազգային միջգերատեսչական հրդեհային կենտրոնը, ԱՄՆ-ի արևմուտքում այրվում է ավելի քան 971 հազար հեկտար տարածք: 14 նահանգում գրանցվել է 105 խոշոր բռնկում: Ամենադժվար իրավիճակը ստեղծվել է Կալիֆորնիայում, Օրեգոնում, Վաշինգտոնում, Մոնթանայում և Այդահոյում:
