ԱՄՆ նախկին նախագահ Դոնալդ Թրամփը հայտարարել է, որ ինքը ճիշտ է եղել նոր կորոնավիրուսի լաբորատոր ծագման հարցում: Ամերիկացի նախկին առաջնորդն իր կարծիքը հայտնել է Fox News հեռուստաալիքի եթերում:
«Ես դա անվանում եմ չինական վիրուս, քանի որ հենց այնտեղից այն սկսեց տարածվել: Վիրուսը ստեղծվել է լաբորատորիայում», ասել է նախկին նախագահը: «Ես ավելի վաղ էլ ասում էի, որ այն հայտնվել է լաբորատորիայում, բայց միայն հիմա բոլորը նշում են, որ ես, հավանաբար, ճիշտ էի»:
Նրա խոսքով՝ սոցիալական ցանցերի, այդ թվում՝ Twitter-ի ղեկավարությունը ակտիվորեն արգելափակել է այն մարդկանց, ովքեր հրապարակել են կորոնավիրուսի մասին չհաստատված տվյալներ, ներառյալ դրա լաբորատոր ծագման տեսությունը:
