Պանթուրքիզմը սպառնում է թե Հայաստանին և թե Իրանին

Հարութ Արթին Առաքելյան – Harut Artin Arakelyan

Ինչպես Իրանի նախագահական ընտրապայքարի մասին մեր հրապարակումներում անդրադարձանք թուրքական գործոնի ներթափանցմանը, որտեղ որոշ թեկնածուներ ակնհայտ խոսեցին իրենց թուրք լինելու մասին և պետական հեռուստատեսությամբ թուրքերեն խոսեցին (https://t.me/Pakagits/829):
Այժմ լուր ենք ստանում, որ Իրանի Ատրպատականի նահանգներում թուրք գործակալները սկսել են երիտասարդների շրջանակներում լայնորեն տարածել Աթաթուրքի ելույթների ժողովածուն:
Այս երևույթի գլխավոր դրդապատճառներից կարող ենք նշել Իրանի ազգային ինքնության փոխարեն, չափից ավելի կրոնական ինքնության մասին քարոզչությունն ու տնտեսական վատ պայմանները:
Երբ ազգը կտրվում է իր ազգային ինքնությունից և դա փոխարինվում է կրոնական ինքնությունով, ցանկացած արտաքին ուժ կկարողանա իր տեսլականն օրակարգ դարձել քո երկրում:
Այս երևույթը գնալով զարգանում է մեր դաշնակից Իրանում, մասնավորապես մեր հարևանությամբ գտնվող Ատրպատականի նահանգներում, որին պիտի ուշադրությամբ հետևել և կարողացած չափով փորձել չեզոքացնել այն: Դրա լուծումներից մեկը մեզ ճիշտ ներկայացնելն է, թե Հայաստանի իշխանության և թե Իրանում բնակվող մեր սփյուռքի ներկայացուցիչների միջոցով:
Պանթուրքիզմի վտանգն իրական է և դա անտեսելով, բնավ չենք աշխատի Հայաստանի պետականության շահերի օգտին: Նաև պանթուրքիզմի չեզոքացման գործում լանորեն պիտի համագործակցենք Իրանի իշխանությունների հետ:

©️ #ՓԱԿԱԳԻԾ