ԱՄՆ նախագահ Ջո Բայդենը կարծիք է հայտնել, որ ամերիկյան մամուլի ներկայացուցիչների մոտ ի սկզբանե բացասական վերաբերմունք է ձևավորվել Ռուսաստանի ղեկավար Վլադիմիր Պուտինի հետ իր բանակցությունների նկատմամբ:
«Դուք միշտ բացասական վերաբերմունք ունեք, ինձ երբեք դրական հարցեր չեք տալիս», ասել է Բայդենը՝ պատասխանելով այն հարցին, թե ինչ երաշխիքներ կարող է տալ, որ Ռուսաստանը «կփոխի իր վարքը» առաջիկա մի քանի ամիսների ընթացքում:
«Մենք պետք է իրատես լինենք, բայց լավատեսորեն նայենք ապագային», ասել է ԱՄՆ նախագահը և նշել, որ Եվրոպա կատարած ճանապարհորդության ընթացքում ինքը մեծ հաջողությունների է հասել, ինչը պետք է ազդի Ռուսաստանի դիրքորոշման վրա, հայտնում է ՏԱՍՍ-ը:
