Ռուսաստանի արտգործնախարարության պաշտոնական ներկայացուցիչ Մարիա Զախարովան հայտարարել է, որ ՆԱՏՕ-ի ծրագրերը չեն ներառում Մոսկվայի և Մինսկի միջև բնականոն փոխգործակցություն: Այսպիսով նա արձագանքել է ՆԱՏՕ-ի գլխավոր քարտուղար Յենս Ստոլտենբերգի այն խոսքերին, որ Դաշինքը դեմ է Ռուսաստանի Դաշնության և Բելառուսի համագործակցությանը, հաղորդում է «ՌԻԱ» գործակալությունը:
Մյուս պետությունները չեն ցանկանում, որ Ռուսաստանի և Բելառուսի ինտեգրման գործընթացը շարունակվի: «Երկու երկրների նորմալ արդյունավետ փոխգործակցությունը ներառված չէ ՆԱՏՕ-ի ծրագրերում: Անհրաժեշտ է անընդհատ միջամտել մեկ մի երկրի, ապա մյուսի ներքին գործերին, ապա միևնույն ժամանակ երկուսի գործերին՝ պարզապես փոխշահավետ ինտեգրման բնական ընթացք թույլ չտալու համար», ասել է Զախարովան:
Ավելի վաղ Ստոլտենբերգը հայտնել էր, որ Հյուսիսատլանտյան դաշինքի անդամները լրջորեն մտահոգված են Ռուսաստանի Դաշնության և Բելառուսի միջև համագործակցությամբ: Միևնույն ժամանակ, նա նշել է, որ ՆԱՏՕ-ն Ռուսաստանի նկատմամբ օգտագործում է երկու մոտեցում`զսպում և երկխոսություն: Նա նշել է, որ ՆԱՏՕ-ն պատրաստ է պաշտպանել իր դաշնակիցներին:
