Համաս պաղեստինյան արմատական շարժումը հերքել է Բելառուսի իշխանությունների հայտարարությունը շարժման հնարավոր մասնակցության մասին Ryanair ինքնաթիռի հետ կապված միջադեպին, որը մայիսի 23-ին արտակարգ վայրէջք է կատարել Մինսկում ականապատման մասին լուրերի պատճառով: Այս մասին հայտնում է Reuters-ը:
Համասի խոսնակը նշել է, որ խմբավորումը «բացարձակապես կապ չունի դրա հետ»: «Մենք չենք դիմում այնպիսի մեթոդների, որոնք կարող են լինել որոշ կասկածելի խմբավորումների աշխատանքը, որոնց նպատակը Համասը դեմոնիզացնելն է և մեր պաղեստինցի ժողովրդին ու նրա օրինական դիմադրությունը միջազգային հանրության կարեկցանքից զրկելը», գործակալությունը մեջբերում է նրա խոսքերը:
