Անկարան մերժել է Թուրքիայի վերաբերյալ Եվրախորհրդարանի զեկույցը և հայտարարել, որ առաջվա պես ԵՄ անդամակցությունը համարում է ռազմավարական նպատակ: Այդ մասին ասվում է Թուրքիայի արտգործնախարարության տարածած հայտարարության մեջ:
«Այդ միակողմանի և ոչ առարկայական զեկույցը, որն ընդունվել է այն ժամանակ, երբ Թուրքիայի և ԵՄ-ի միջև հարաբերությունների վերականգնման ուղղությամբ ջանքեր են գործադրվում Թուրքիայի՝ ԵՄ անդամակցության հեռանկարի հիման վրա, անընդունելի է: Մենք մերժում ենք այդ կողմնակալ տեքստը», ասվում է արտաքին քաղաքականության գերատեսչության հայտարարության մեջ:
Թուրքիայի արտգործնախարարությունը հավելել է, որ Անկարան «իր ռազմավարական նպատակն է համարում ԵՄ-ին անդամակցությունը, որը ձեռնտու կլինի ամբողջ Եվրոպային»: «Թուրքիան վճռականորեն շարունակելու է իր ջանքերը՝ այդ նպատակին համապատասխան», ասված է հայտարարության մեջ:
