Կահիրեն և Փարիզը պայմանագիր են կնքել Եգիպտոսին 30 Rafale կործանիչների մատակարարման մասին

Եգիպտոսը և Ֆրանսիան պայմանագիր են կնքել արաբական հանրապետություն 30 ֆրանսիական Rafale կործանիչների մատակարարման մասին: Այս մասին հայտնում է եգիպտական ​​Al-Watan պորտալը՝ վկայակոչելով երկրի պաշտպանության նախարարությունը:

Ֆրանսիական Dassault Aviation ընկերության արտադրած կործանիչները Եգիպտոս կհասցվեն առնվազն 10 տարի տրամադրվող վարկի պայմաններով:

Եգիպտոսը և Ֆրանսիան 24 Rafale կործանիչներ ձեռք բերելու մասին համաձայնագիրը կնքել էին 2015 թվականին: Կործանիչի այս տեսակն առանձնանում է առաքելությունների երկար տիրույթով, մանևրելու բարձր մակարդակով և ռադիոէլեկտրոնային պատերազմի պայմաններում առաքելություններ կատարելու ունակությամբ, ասում է Ալ-Վաթանը: