Ռուսական կողմը Մոսկվայում Լեհաստանի դեսպան Քշիշտոֆ Կրաևսկիին տեղեկացրել է Լեհաստանի դիվանագիտական առաքելության հինգ աշխատակիցների վտարելու որոշման մասին: Այս մասին գրված է Ռուսաստանի ԱԳՆ այսօրվա մեկնաբանության մեջ:
«Ի պատասխան ռուս դիվանագետներին վտարելու Լեհաստանի սադրիչ գործողությունների՝ ելնելով փոխադարձության սկզբունքից, նախարարությունը Ռուսաստանի Դաշնությունում Լեհաստանի դեսպանության հինգ աշխատակցի հայտարարել է պերսոնա նոն գրատա: Նրանք պետք է լքեն Ռուսաստանի Դաշնության տարածքը մինչև 2021 թվականի մայիսի 15-ի օրվա ավարտը», ասվում է տեքստում։
