Հետազոտական առարկաների տվյալների մոնիտորինգի և անվտանգության անկախ հանձնաժողովը մտահոգություն է հայտնել, որ բրիտանա-շվեդական AstraZeneca ընկերությունը կարող էր հնացած տեղեկատվություն ներառել փորձարկումների զեկույցում իր նոր՝ կորոնավիրուսային պատվաստանյութի վերաբերյալ, որը մշակել է Օքսֆորդի համալսարանի հետ։ Իսկ դա կարող է թույլ չտալ ամբողջական պատկերացում կազմել այս պատրաստուկի արդյունավետության մասին:
«Մենք ընկերությանը հորդորում ենք ապահովել, որ առավել ճշգրիտ և ամենաթարմ փորձարկման տվյալները հնարավորինս շուտ հրապարակվեն», ասվում է հայտարարության մեջ, հաղորդում է ՏԱՍՍ-ը:
