Եղանակի պատճառով մարտի 13-ին դադարեցվել են ռազմագործողությունների ընթացքում զոհված զինծառայողների աճյունների որոնողական աշխատանքները: Այս մասին տեղեկացնում են Արցախի ՆԳՆ արտակարգ իրավիճակների պետական ծառայությունից:
Զոհված զինծառայողների աճյունների՝ Մարտունու և Վարանդայի (Ֆիզուլի) շրջաններում նախատեսված որոնողական աշխատանքները, դադարեցվել են տեղացող ձյան և բքի պատճառով։ Որոնումները կշարունակվեն երկուշաբթի՝ մարտի 15-ին:
Հրադադարից հետո, առ այսօր հայտնաբերվել է 1499 աճյուն:
