Սիրիային ԱՄՆ-ի օդային հարվածը կարելի է համարել ազդանշան Ռուսաստանին և աշխարհի մյուս տերություններին ԱՄՆ նախագահ Ջո Բայդենի արտաքին քաղաքականության բնույթի վերաբերյալ: Այս մասին հայտարարել է Ֆեդերացիայի խորհրդի անդամ Ալեքսեյ Պուշկովը:
«Ազդանշան Մոսկվային, Թեհրանին, Դամասկոսին և Չինաստանին, ինչպես նաև Թել Ավիվին ու Ռիադին: Հարվածի օբյեկտն էական չէ. կարևորը Սիրիայում թիրախներին ռազմական հարված հասցնելու փաստն է Սպիտակ տուն դեմոկրատների ժամանումից 40 օր անց», Telegram-ում ասել է սենատորը:
Նրա կարծիքով, Վաշինգտոնն այսպես ցույց է տալիս իր ցանկությունը նոր պայմաններ պարտադրելու Իրանի հետ «միջուկային գործարքին» վերադառնալու համար:
