Քննչականի աշխատակիցները ստուգումներ են սկսել Քոչարյան ընտանիքին պատկանող հաստատություններում
Վաղ առավոտյան Քննչականի աշխատակիցները ստուգումներ են սկսել Քոչարյան ընտանիքին պատկանող հիմնարկներում:
Հակակոռուպցիոն կոմիտեի աշխատակիցներն այս պահին «Օրանժ Ֆիթնես»-ում են և «Փլեյ սիթի» զվարճանքի կենտրոնում:
«Ակումբի հարգելի անդամ, ակումբն այս պահին չի գործում Լրացուցիչ տեղեկություններ կտրամադրվեն։ Հայցում ենք Ձեր ներողամտությունը։ Հարգանքով՝ Օրանժ Պրեմիում Ֆիթնես Ակումբ»,-այսպիսի ծանուցում են ստացել ակումբի անդամները:
Ինչպես նաև հայտնի է դարձել, որ հարկային մարմինները կապարակնքել են «Toyota» ընկերության երևանյան գրասենյակը:
Հավելենք, որ «Toyota» ընկերության բաժնետերերից մեկը Ռոբերտ Քոչարյանի ավագ որդին է` Սեդրակ Քոչարյանը։
Խուզարկություններ են իրականացվում նաև Լևոն Քոչարյանի կնոջ՝ երգչուհի Սիրուշոյին պատկանող «Պռեգոմեշ» ընկերությունում և «PIAZZA GRANDE» բիզնես կենտրոնում:
