ԱՄՆ-ն կշարունակի կարևոր աշխատանքը Հարավային Կովկասում իր ռազմավարական դիրքը ամրապնդելու համար. ԱՄՆ պետքարտուղարի տեղեկալ
Վաշինգտոնյան խաղաղության գագաթնաժողովի մեկամյակի կապակցությամբ, Վաշինգտոնում տեղի է ունեցել Հայաստանի ԱԳ նախարարի տեղակալի ժամանակավոր պաշտոնակատար Վահան Կոստանյանի, Ադրբեջանի ԱԳ նախարարի տեղակալ Էլնուր Մամադովի և ԱՄՆ պետքարտուղարի քաղաքական հարցերով տեղակալ Ալիսոն Հուքերի հանդիպումը. հայտնում են ՀՀ ԱԳՆ-ից։
Վահան Կոստանյանը բարձր է գնահատել ԱՄՆ նախագահ Դոնալդ Թրամփի անձնական ներդրումը ինչպես նախորդ տարի տեղի ունեցած գագաթնաժողովի կայացման, այնպես էլ ընթացիկ տարվա ընթացքում Հայաստանի և Ադրբեջանի միջև խաղաղության ինստիտուցիոնալացման համատեքստում:
Հանդիպման ընթացքում կողմերը մտքեր են փոխանակել արդեն իսկ արձանագրված դրական զարգացումների, տարածաշրջանում ենթակառուցվածքային ծրագրերի և վստահության ամրապնդման միջոցառումների վերաբերյալ:
Միացյալ Նահանգները կշարունակի իր կարևոր աշխատանքը Հարավային Կովկասում իր ռազմավարական դիրքը ամրապնդելու համար. հայտարարել է ԱՄՆ պետքարտուղարի քաղաքական հարցերով տեղակալ Էլիսոն Հուքերը՝ ՀՀ արտաքին գործերի փոխնախարար Վահան Կոստանյանի և Ադրբեջանի արտաքին գործերի փոխնախարար Էլնուր Մամեդովի հետ Վաշինգտոնում կայացած եռակողմ հանդիպմանը նվիրված հրապարակման մեջ։
«Ես անհամբեր սպասում եմ մեր կարևոր աշխատանքի շարունակմանը՝ Հարավային Կովկասի համար խաղաղ և բարգավաճ ապագա ապահովելու, միաժամանակ ամրապնդելով Ամերիկայի ռազմավարական դիրքը այս կարևոր տարածաշրջանում», – նշել է ԱՄՆ պետքարտուղարի տեղակալը։
