ՌԴ ԱԳՆ-ն զգուշացրել է Հայաստանի և ՆԱՏՕ-ի մերձեցման ռիսկերի մասին
Ռուսաստանի արտաքին գործերի նախարարությունը հայտարարել է, որ ՆԱՏՕ-ն ձգտում է «հեռացնել» Հայաստանին ՀԱՊԿ-ի նրա դաշնակիցներից։
Կազմակերպությունում Ռուսաստանի մշտական ներկայացուցիչ Վիկտոր Վասիլևը ՌԻԱ «Նովոստի»-ին տված հարցազրույցում նշել է, որ արևմտյան երկրները փորձում են ներգրավել Երևանին համատեղ զորավարժությունների և այլ նախաձեռնությունների մեջ, որոնք միտված են թուլացնելու Հայաստանի կապերը ՀԱՊԿ-ի իր գործընկերների հետ։
Նրա խոսքով՝ Հայաստանի ներկայիս ղեկավարության որդեգրած այս քաղաքականությունը չի համապատասխանում երկրի անվտանգության և ինքնիշխանության ապահովման երկարաժամկետ շահերին։
Դիվանագետը հավելել է, որ տարածաշրջանի բազմադարյա պատմությունը վկայում է հայ ժողովրդի անցած բարդ, երբեմն նաև ողբերգական ճանապարհի մասին, իսկ այն հարցի պատասխանը, թե ով է եղել նրա անվտանգության և բարօրության գլխավոր երաշխավորը, «ակնհայտ է»։
Մոսկվան ՆԱՏՕ-ի գործողությունները գնահատում է որպես տարածաշրջանում ռազմավարական հավասարակշռությունը փոխելու և ՀԱՊԿ-ի դիրքերը թուլացնելու փորձ։
