«Թուրքիայի արտաքին գործերի նախարար Հաքան Ֆիդանի զզվելի խոսքերը ցեղասպանության դրդման դասական օրինակ են։ Հրեա ժողովրդի ապամարդկայնացումն ու նրան «անտանելի բեռի» հետ նույնացնելը պատմության մեջ եղած ամենասարսափելի ու արյունալի ռեժիմների դասական, սահմռկեցուցիչ լեզուն են։ Քաղաքակիրթ աշխարհը և ՆԱՏՕ-ում Թուրքիայի դաշնակիցները պետք է անվերապահորեն դատապարտեն Իսրայելի ոչնչացման այս բացահայտ կոչը»,- X-ի էջում գրել է Իսրայելի արտաքին գործերի նախարար Գիդեոն Սաարը։
Նշենք, որ հուլիսի 2-ին Թուրքիայի ԱԳ նախարար Հաքան Ֆիդանը CNN Turk-ի հարցազրույցում ասել էր, որ Իսրայելը և նրա ժողովուրդն իրենց քաղաքականությամբ և մտածելակերպով դարձել են բեռ, որը մարդկությունն այլևս չի կարող կրել։
Նրա այս որակումներին է պատասխանել Սաարը։
