Նիկոլ Փաշինյանն այսօրվա ճեպազրույցում հայտարարեց՝ ծանոթ չէ «Ուժեղ Հայաստան» կուսակցության ղեկավար Սամվել Կարապետյանի՝ քիչ առաջ մամուլի ասուլիսում արած այն հայտարարությանը, թե «Փաշինյանը Չինաստանից հալյուցինացիա առաջացնող սունկ է բերել, ուտում է՝ ցայտնոտի մեջ ընկնում»։
«Ծանոթ չեմ, չեմ մեկնաբանում։ Ձեզ թվում է, թե ես ամբողջ օրը նստած ձեր ասած մարդկանց հայտարարություններն եմ կարդո՞ւմ։ Կներեք, բայց ես մի քիչ ավելի կարևոր գործեր ունեմ»,- լրագրողների հետ զրույցում ասաց Փաշինյանը։
Փաշինյանը միաժամանակ խոստացավ արձագանքել, եթե լինեն հայտարարություններ, որոնց կարիք կլինի արձագանքելու։
«Հիմա ասուլիս եմ անում, թե չէ էլ ուրիշ ինչո՞վ կարող էի զբաղվել, հիմա նստած ուշի-ուշով հետևելու էի կալուգացի օլիգարխի ասուլիսին, թե չէ Հայաստանի վարչապետն էդ ժամին ուրիշ էլ ինչո՞վ կարող էր զբաղվել»,- հեգնանքով նշեց Փաշինյանը։
