Հայաստանն արգելանքի տակ է վերցրել իր արքեպիսկոպոսների կեսին՝ այլախոհության դեմ ուղղված լայնածավալ բռնաճնշումների շրջանակներում. գրում է Premier Christian News-ը:
Ինչպես նշվում է, Նիկոլ Փաշինյանը, բախվելով հանրային խորըդժգոհության հետ, նաև տուգանել է քաղաքացիներին սոցիալական ցանցերում արված հրապարակումների համար, ձերբակալել է քննադատներին և բռնագրավել եկեղեցական գույքը: Նա հրապարակայնորեն կոչ է արել պաշտոնանկ անել Հայ առաքելական եկեղեցու առաջնորդ Կաթողիկոս Գարեգին II-ին:
«Հայ քրիստոնյաները գտնվում են աճող ճնշման ներքո», – հայտարարել է Փիթերբորոյի կրոնական ազատության հարցերով խորհրդարանական խմբի փոխնախագահ լորդ Ջեքսոնը: Նրա կարծիքով՝ խոսքի ազատության և Եկեղեցու դեմ ուղղված նման ճնշումն անընդունելի է։
«Հայաստանի բարեկամները պետք է հստակ հայտարարեն, որ հայ ժողովուրդը և նրա հնագույն քրիստոնեական ժառանգությունը արժանի են պաշտպանության, այլ ոչ թե սեփական կառավարության կողմից հալածանքների», – ընդգծել է Ջեքսոնը:
Նշվում է, որ ստեղծված իրավիճակը լուրջ սպառնալիք է ներկայացնում այն հավատացյալների համար, որոնց հավատքը կապված է Հայ առաքելական եկեղեցու ավելի քան 2000-ամյա պատմության հետ և մտահոգություն է առաջացնում երկրում կրոնական ազատության ու մարդու իրավունքների վերաբերյալ:
