Դեկտեմբերի 24-ին Ադրբեջանի նախագահ Իլհամ Ալիևը և նրա կինը՝ Մեհրիբան Ալիևան, մասնակցել են բռնազավթած Արցախի մայրաքաղաք Ստեփանակերտում Հաղթանակի զբոսայգու բացմանը:
9 հեկտար մակերեսով Հաղթանակի զբոսայգու հիմքը դրվել է փետրվարին։
«Այգու մուտքից դեպի Հաղթական կամար տանում է 44 աստիճան։ Աստիճանների կենտրոնում գտնվող հուշատախտակները պատմում են պատերազմի ընթացքի մասին, այդ թվում՝ ազատագրված բնակավայրերի անունները։ Հուշատախտակները նաև մանրամասն նկարագրում են 2023 թվականին անցկացված հակաահաբեկչական գործողության արդյունքները։
Հաղթական կամարը 44 մետր բարձրություն ունի, որը խորհրդանշում է Հայրենական մեծ պատերազմի օրերի քանակը: Կառույցը բաղկացած է 10 հարկից և տեռասից: Տեռասի վրա ութ թվի տեսքով կառույց է կանգնած՝ որպես Հաղթանակի օրվա խորհրդանիշ: Իններորդ հարկում գտնվում է «Հաղթանակի պատկերասրահ» ցուցասրահը:
Այգում իրականացվել են լայնածավալ կանաչապատման աշխատանքներ, այդ թվում՝ շատրվանների, լուսավորության և երաժշտական համակարգերի տեղադրում: Շինարարության ընթացքում հատուկ ուշադրություն է դարձվել առկա ծառերի պաշտպանությանը: Ընդհանուր առմամբ, այգում տնկվել է ավելի քան 500 ծառ և ավելի քան 11,000 թուփ ու ծաղիկ»,- գրված է հաղորդագրության մեջ:
Նշենք, որ «Հաղթանակի զբոսայգու» բացումը տեղի է ունեցել այսօր, որովհետև դեկտեմբերի 24-ը Ալիևի ծննդյան օրն է։
