«Թերլեմեզյան» պատկերասրահում բացվել է քոլեջի 1-5-րդ կուրսերի ուսանողների 2024-2025 ուսումնական տարվա քննական լավագույն աշխատանքների ցուցահանդեսը։
Բոլոր գործերը ստեղծվել են արվեստանոցներում՝ մասնագիտական մոդուլների շրջանակներում։ Ցուցահանդեսն ամփոփում է ուսումնական և ստեղծագործական գործընթացների արդյունքները՝ ձևավորելով ինքնատիպ ցուցադրություն – բաց դիտում, ներկայացնելով ակադեմիական կրթության փուլերի, ուսումնական առաջադրանքների աստիճանական բարդացման և դրանց մեկնաբանման անհատական զարգացման ուղին։
Ավանդական դարձած ցուցահանդեսային ձևաչափը միջոց է՝ դիտարկելու քոլեջում ուսումնառության ընթացքը՝ սկսած մեթոդական առաջադրանքներից մինչև դրանց ինքնուրույն ստեղծագործական վերարտադրումը, բացահայտելով յուրաքանչյուր ուսանողի ընկալման ու մտածողության ձևը։
Ցուցահանդեսը միաժամանակ ուսանող-դասախոս համագործակցության հարթակ է, մասնագիտական քննարկումների, ստեղծագործական որոնումների և մտածողության ձևավորման գործընթաց։
Ցուցահանդեսի բացումը նշանավորվեց նաև քոլեջի ուսանողներից կազմված բենդի երաժշտական կատարումներով։ Միջոցառման ընթացքում բենդը հյուրընկալեց Ռ․ Մելիքյանի անվան պետական երաժշտական քոլեջի սաներից (սաքսոֆոն), որի ներկայությունը ևս մեկ անգամ ընդգծեց երկու կրթօջախների միջև ձևավորված գործընկերային կապերը։
Ցուցահանդեսը կգործի մինչև նոյեմբերի 14-ը։
Արվեստաբան Ելենա Մովսեսյան
