Գոյություն ունի էներգետիկական շուկա, որը ներմուծվել է այլ երկրների՝ իբրև թե փորձով, տարբեր գրանտներով։ Դա ենթադրում է, որ ստեղծում են թրեյդերներ, որոնք վաճառում են կՎՏ, և խոշոր սպառողները կՎտ-ը առնում են այդ թրեյդերներից՝ ոչ ՀԷՑ-ից։ Այս մասին այսօր հրավիրված մամուլի ասուլիսի ժամանակ հայտարարեց ՀԷՑ-ի նախկին տնօրեն Դավիթ Ղազինյանը։
«Հիմա պատկերացրեք, որ 2023, 24, 25 թվականի ընթացքում 30 միլիարդ դրամ դուրս է եկել էներգետիկայի համակարգից, այսինքն՝ եթե չեն վճարում ՀԷՑ-ին, վճարում են թրեյդերին, որն էլ հոսանքն առնում է ուղիղ ԳԷՍ-երից, տարբեր կայաններից, դրա արդյունքում ամբողջ էներգետիկայի համակարգից դուրս է եկել 30 միլիարդ դրամ՝ տարեկան մոտավորապես 10 միլիարդ դրամ։ Թրեյդերը ձեռք է բերում կՎտ, վաճառում է հաճախորդին։
Այդ 30 միլիարդ դրամը դուրս չգալու դեպքում տարեկան մոտավորապես 5 դրամ մենակ այդտեղ կարող էր իջեցում լինել։ Դրա արդյունքում սոցիալապես ամենաանապահով խավի համար կարելի էր ընդհուպ մոտեցնել անվճարին այդ ամբողջ գումարով։
Գումարը ուղղակի վերցրել են էներգետիկայի համակարգից, անունը դրել են մոնոպոլիա՝ վախեցնելով ժողովրդին։ Այս դեպքում մոնոպոլիան ավելի լավ էր, քան իրենց շուկան։ Այսինքն՝ ստացվում է, որ մեծ ծախս ունեցող բաժանորդները, որոնք հիմնականում հանրային բաժանորդներն են, վճարում են ավելի էժան, որի արդյունքում սակագինը բնակչության համար չի իջնում, ինչը շատ սխալ է»,- ասաց Ղազինյանը։
