Ֆրանսիական հետախուզական ծառայությունները դիմել են Դուրովին օգնելու Մոլդովայի կառավարությանը գրաքննել թելեգրամյան որոշակի ալիքներ

Telegram-ի հիմնադիր Պավել Դուրովը հայտարարել է, որ ֆրանսիական հետախուզական ծառայությունները միջնորդի միջոցով դիմել են իրեն՝ Մոլդովայի կառավարությանն օգնելու գրաքննել թելեգրամյան որոշակի ալիքներ Մոլդովայի նախագահական ընտրություններից առաջ։

«Մոտ մեկ տարի առաջ, երբ ես մնացել էի Փարիզում, ֆրանսիական հետախուզական ծառայությունները միջնորդի միջոցով դիմել են ինձ՝ Մոլդովայի կառավարությանը օգնելու գրաքննել Telegram-ի որոշակի ալիքներ Մոլդովայի նախագահական ընտրություններից առաջ», – անգլերենով գրել է Դուրովը իր թելեգրամյան ալիքում։

Նա նշել է, որ Telegram-ի թիմը հրաժարվել է կատարել խնդրանքը։