Սեպտեմբերի 23-ի երեկոյան, Խնկո Ապոր անվան մանկական գրադարանի դահլիճում, կազմակերպությամբ Հայաստանի Գրողների միության վարչության, տեղի ունեցավ մեծատաղանդ գրող, էսսեիստ եւ թարգմանիչ Կարպիս Սուրենյանի 100-ամյակին նվիրված երեկո, իր տեսակի մեջ՝ առաջինը։
Գրողների միության նախագահ Էդվարդ Միլիտոնյանի ներածական խոսքից հետո, մեծ մտավորականի ու գրողի հրատարակված երկերի համապարփակ վերլուծությամբ հանդես եկավ գրականագետ-արվեստաբան Երվանդ Տեր–Խաչատրյանը, այնուհետեւ՝ արձակագիր եւ թարգմանիչ Գրիգոր Ջանիկյանը, գրականագետ Պետրոս Դեմիրճյանը, «Ազգ» թերթի խմբագիր Հակոբ Ավետիքյանը։ Ելույթներն ընդմիջվում էին հոբելյարի գրքերից տարբեր հատվածների ընթերցմամբ ու տեսաֆիլմերով։
Վերջում տեղի ունեցավ հյուրասիրություն։
