Բաքու է ժամանել Հայաստանի Ազգային անվտանգության ծառայության տնօրեն Անդրանիկ Սիմոնյանի գլխավորած պատվիրակությունը:
Ադրբեջանական լրատվամիջոցներն այս տեղեկությունը տարածել են՝ հղում անելով ոչ թե տեղական աղբյուրներին, այլ հայկական ԶԼՄ-ներին։
Նշվում է, որ Սիմոնյանին տեղափոխող ինքնաթիռը մի քանի րոպե առաջ վայրէջք է կատարել Հեյդար Ալիևի անվան միջազգային օդանավակայանում։
Հաղորդվում է, որ նա Բաքվում կլինի սեպտեմբերի 19-ից 21-ը։
ՀՀ ԱԱԾ-ից ավելի վաղ հայտնել են, որ ՀՀ ազգային անվտանգության ծառայության տնօրենի գլխավորած պատվիրակությունը սեպտեմբերի 19-ից 21-ը մասնակցելու է Բաքվում կայանալիք «Անվտանգության 3-րդ միջազգային ֆորումին»:
