ՀՀ ԱԺ «Պատիվ ունեմ» խմբակցությունը հայտարարություն է տարածել.
Հիմք ընդունելով ՔՊ խմբակցության պատգամավոր Արթուր Հովհաննիսյանի անընդունելի վարքը, դրսևորած խայտառակ պահվածքը և վիրավորական արտահայտությունները մեր գործընկեր Թագուհի Թովմասյանի նկատմամբ, «Պատիվ ունեմ» խմբակցությունը` ԱԺ կանոնակարգ օրենքի համապատասխան դրույթների հիման վրա, հանդես է գալու պատգամավորական էթիկայի հարցերով ժամանակավոր հանձնաժողով ստեղծելու նախաձեռնությամբ:
Հիշեցնենք, որ ԱԺ Քպ խմբակցության քարտուղար Արթուր Հովհաննիսյանը պատգամավոր Թագուհի Թովմասյանի մասին ասել է. «Թող Թագուհի Թովմասյանն ամեն օր սեռավարակի թեսթ հանձնի, որ հասկանանք՝ էդ 4 հատ տունը իրան որտեղի՞ց»։
