Իրանի Իսլամական հեղափոխության առաջնորդի միջազգային հարցերով խորհրդականը հայտարարել է, որ «Զանգեզուրի միջանցքը» Ռուսաստանին և Իրանին ճնշելու ամերիկյան ծրագիր է, գրում է parstoday.ir-ը:
Շաբաթ օրն իրանցի մեծ միստիկ շեյխ Սաֆի ադ-Դին Արդեբիլիի հիշատակի արարողության կապակցությամբ տարածած ուղերձում, Ալի Աքբար Վելայաթին ասել է. «Իրանի թշնամիները, մասնավորապես համաշխարհային սիոնիզմը և Միացյալ Նահանգները, «Զանգեզուրի միջանցքի» նման ծրագրերի միջոցով փորձում են քողարկել իրենց ավելի մեծ աշխարհաքաղաքական ծրագրերը։
Հիմնական նպատակն է թուլացնել Դիմադրության առանցքը, կտրել Իրանի կապը Կովկասի հետ և տարածաշրջանի հարավում, ցամաքաից շրջափակել Իրանն ու Ռուսաստանը։ Սա Ուկրաինան Կովկասով փոխարինելու ԱՄՆ-ի ծրագրի մի մասն է՝ որպես Ռուսաստանի և Իրանի դեմ ճնշման նոր ճակատ և իրականացվում է ՆԱՏՕ-ի և որոշ պանթյուրքիստական շարժումների աջակցությամբ»։
