«Մեր խնդրանքները կամ պահանջները բացարձակապես բնական են՝ ընդունել մեղքը այս աղետի համար, պատժել մեր ինքնաթիռը խփածներին և փոխհատուցում վճարել զոհերի ընտանիքներին, վիրավորներին, ինչպես նաև AZAL-ին՝ ինքնաթիռի կորստի համար»,- հայտարարել է Ադրբեջանի նախագահ Ալիևը Շուշիի III գլոբալ մեդիա ֆորումի մասնակիցների հետ հանդիպման ժամանակ:
Այն միտքը, որ ինքնաթիռը կարող էր խփվել ուկրաինական անօդաչու թռչող սարքի կողմից, լիովին ծիծաղելի է։ Ինքնաթիռի վրա երկու հարձակում է եղել։ Պատկերացրեք. ուկրաինական անօդաչու թռչող սարքը թիրախավորում է ադրբեջանական ինքնաթիռը, խփում այն, վթարի է ենթարկվում, և հետո ամեն ինչ կրկնվում է։ Սա պատմություն է մանկապարտեզի համար։
Մենք գիտենք, թե ինչ է պատահել, և Ռուսաստանի օդային տարածքը չի փակվել։ Այն փակվել է ինքնաթիռի խոցումից մի քանի րոպե անց։ Դրա համար պատասխանատվություն են կրում նաև նրանք, ովքեր չեն հայտարարել «Գորգ» գործողության մասին։ Բայց մենք պատասխան չենք ստացել յոթ ամիս։ Մեր գլխավոր դատախազը պարբերաբար նամակներ է ուղարկում Ռուսաստանի քննչական կոմիտեի ղեկավարին։ Բայց այս բոլոր նամակներին մեզ պատասխանում են, որ հետաքննությունը շարունակվում է։ Այսպիսով, մենք կսպասենք հետաքննության ավարտին։ Բայց ես կարծում եմ, որ նման վարքագիծը անարդյունավետ է։ Հիմա մենք տեղեկացնում ենք ռուսական կողմին, որ պատրաստում ենք փաստաթղթերի փաթեթ՝ միջազգային դատական համակարգին ներկայացնելու համար։ Մենք գիտենք, որ դա կարող է ժամանակ պահանջել։ Ինչպես մալայզիական Boeing-ի դեպքում, դա տևեց ավելի քան 10 տարի. մենք կսպասենք 10 տարի։ Բայց արդարությունը պետք է հաղթի։ Դժբախտաբար, այս անորոշ իրավիճակը չի նպաստում Ռուսաստանի և Ադրբեջանի միջև երկկողմ հարաբերություններին»,- հայտարարել է Ալիևը։
