Իրավապահները վաղ առավոտյան ժամը 08.00-ի սահմաններում մտել են ՀԷՑ –ի կենտրոնական գրասենյակ և խուզարկություններ են իրականացնում:
Խաթարվել է կառույցի աշխատանքը։
ՀԷՑ-ի մամլո խոսնակ Նատալյա Սարաջյանը հայտնում է, որ իրավապահներն աշխատակիցներին ներս չեն թողնում։ Բոլորը դրսում են մնացել։
ԱԱԾ դիմակավորված աշխատակիցները ներսում են։
Իրավապահները վաղ առավոտյան ներխուժել են նաև ՀԷՑ -ի տնօրենների խորհրդի նախագահ, Սամվել Կարապետյանի եղբորորդի Նարեկ Կարապետյանի տուն, որտեղ այս պահին խուզարկություն են իրականացնում:
Ինչպես հայտնի է, Փաշինյանը հայտարարել է, որ ՀԷՑ-ը պետականացնելու է, ինչին միաբերան համաձայնություն են հայտնել նրա կառավարությունն ու ԱԺ Քպ խմբակցությունը։
Սամվել Կարապետյանը հունիսի 18-ից կալանավորված է։ Նա հայտնվել է իշխանության թիրախում Եկեղեցուն աջակցելու համար Նա հայտարարել էր. «Եթե չհաջողվի քաղաքական գործիչներին, ուրեմն մենք էլ մեր ձևով ենք մասնակցելու ամեն ինչին»։
Տեսանյութը՝ լրագրող Սյուզի Բադոյանի
