Շիրակի մարզի Մարմաշեն համայնքում գտնվող վանական համալիրում առերևույթ խուլիգանության կատարելու դեպքի վերաբերյալ հանցանքի մասին հաղորդում եմ ներկայացրել ՀՀ քննչական կոմիտե. հայտնում է փաստաբան Վահան Հովհաննիսյանը։
«Հաղորդմամբ ներկայացրել եմ, որ Գնել Սարգսյանի գործողություններում առերևույթ առկա են ՀՀ քրեական օրենսգրքի 297-րդ հոդվածի 2-րդ մասի 3-րդ կետով նախատեսված հանցանքի հատկանիշներ (Խուլիգանություն, որը կատարվել է տեղեկատվական կամ հաղորդակցական տեխնոլոգիաներն օգտագործելով)»,- գրել է նա։
Նշենք, որ բլոգեր Գնել Սարգսյանը հունիսի 1-ին գնացել է Մարմաշենի եկեղեցի, Տեր Փառեն քահա Պետրոսյանի հետ վեճի բռնվել, հայհոյել, ծեծկռտուք սարքել, ինչ է թե ուզում է մտնել եկեղեցի, որ տեսնի՝ ո՞վ կահամարձակվի իրեն ներս չթողնել, քանի որ ինքը Փաշինյանի գաղափարակիցն է, համաձայն է նրա գրառումների ու Հայ եկեղեցու հանդեպ ունեցած դիրքորոշման հետ։
