ՀՀ ԱԳՆ-ի դիմաց այսօր մի քանի կազմակերպություններ ու հանրային գործիչներ բողոքի ակցիա են իրականացրել՝ իշխանություններից պահանջելով գործնական քայլեր կիրառել մեր գերիներին վերադարձնելու համար։
Նրանք դիմել են Շվեյցարիայի դեսպանատուն՝ պահանջով, որ դեսպանն էլ իր հերթին դիմի Ադրբեջանում Շվեյցարիայի հյուպատոսին, որպեսզի նա այցելի Բաքվում պահվող հայ գերիներին ու հետաքրքրվի նրանց վիճակով։
Երկու հակամարտող երկրների խնդիրների դեպքում, ըստ միջազգային փորձի ու ընդունված կարգի, երրորդ երկիրը կարող է միջամտել։ Տվյալ դեպքում՝ Շվեյցարիան կարող է գործուն միջամտություն ունենալ մեր գերիների հարցում։
Արցախի Հանրապետության նախկին ՄԻՊ և նախկին պետնախարար Արտակ Բեգլարյանը նորից է հայտարարել, որ մեր գերիներն իրավունք ունեն դատավարության ժամանակ ասել ամեն ինչ, միայն թե ողջ մնան, և ոչ ոք իրավունք չունի նրանց քննադատել, պախարակել, անվանարկել։ Յուրաքանչյուր ոք պետք է պատկերացնի, թե ֆիզիկական ու հոգեբանական ինչ կտտանքների են ենթարկվում գերիները Բաքվում, նրանց ցուցմունքները կարող են կեղծ լինել կամ խոշտանգումների հետևանք։
Մանրամասները՝ տեսանյութում.
