Իսրայելի պաշտպանության նախարար Իսրայել Կացը հեռախոսազրույց է ունեցել Պենտագոնի քարտուղար Փիթ Հեգսեթի հետ. «X»-ում հայտարարել է Իսրայելի պաշտպանության նախարարը։
Հեռախոսազրույցի ընթացքում Իսրայելի պաշտպանության նախարարը Իրանին անվանել է տարածաշրջանի գլխավոր սպառնալիք։
«Իրանը շարունակում է մնալ տարածաշրջանի անվտանգության ամենամեծ սպառնալիքը: Մենք ԱՄՆ-ի հետ միասին կաշխատենք Իրանին թույլ չտալ միջուկային զենք ձեռք բերել»,- ասել է Կացը:
Կացը շնորհակալություն է հայտնել Թրամփին Իսրայելին ռազմական օգնության և պաշտպանական մատակարարումների համար։ Նա նաև ընդգծել է Գազայում բոլոր պատանդների ազատ արձակման և ՀԱՄԱՍ-ի ղեկավարությանը ոչնչացնելու կարևորությունը։ Կողմերը վերահաստատել են իրենց հավատարմությունը ամերիկա-իսրայելական ամուր դաշինքին և պայմանավորվել «շարունակել Իրանի ապակայունացնող հավակնությունների դեմ սերտ համագործակցությունը»։
