Պաշտպանության նախարար Սեյրան Օհանյանի գնահատմամբՙ վերջին տարիներին ռազմական հոգեբանության ոլորտում լուրջ աշխատանքներ են իրականացվել: Նախարարի հավաստիացմամբՙ ռազմական հոգեբանության ոլորտի զարգացումը ռազմական բարեփոխումների շրջանակներում է եւ կրելու է շարունակական բնույթ: «Այսօր ՀՀ զինված ուժերը հոգեբանական ծառայության կայացման ճանապարհին են: Դրա համար հարկավոր է զորամասերում բացել համապատասխան հաստիքներ եւ հետեւողական ջանքեր ներդնել, որպեսզի մինչեւ վերջ կարողանանք ձեւավորել այս համակարգը: Արցախյան պատերազմի ժամանակ տարած հաղթանակը հոգեբանական մեծ առավելություն ունի, որը պետք է պահպանել», պաշտպանության նախարարությունում մեկնարկած «Ռազմական հոգեբանության հիմնախնդիրները» թեմայով երկօրյա գիտաժողովի բացմանն ասաց նախարարը: Գիտաժողովին մասնակցում են ՀՀ ՊՆ ԶՈՒ եւ ԶՈՒ ԳՇ համապատասխան ստորաբաժանումների ղեկավարներն ու ներկայացուցիչները, ռազմական եւ քաղաքացիական ուսումնական հաստատությունների ղեկավարներ ու ոլորտի մասնագետներ: Գիտաժողովի նպատակն է համախմբել ռազմական հոգեբանության հիմնախնդիրներով զբաղվող մասնագետների գիտական ներուժը եւ գործնականորեն կիրառել ոլորտի կայացման աշխատանքներում:
Վերջին լուրեր
Վթարված ավտոմեքենան Փաշինյանի ավտոշարասյունից չի եղել. ՆԳՆ
Հունիսի 8-ին' ժամը 19:10-ին, ՆԳ նախարարության ոստիկանություն վթարի վերաբերյալ ահազանգ է ստացվել։ Պարզվել է, որ Արարատի մարզի Արմաշ գյուղում պարեկային...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական