Սիրիայում Իրանի ռազմական  ներկայության նպատակն ԻԼԻՊ-ի դեմ պայքարն էր և հաղթանակից հետո այդ ներկայությունն ավարտվեց. Արաղչի

Նշելով, որ Դիմադրությունը դպրոց է ու գաղափար, որն իր ճանապարհը կգտնի նույնիսկ առանց Սիրիայի, ԻԻՀ ԱԳ նախարար Աբբաս Արաղչին հավելել է․ «Սիրիայի ժողովրդի ցանկությունը պետք է հաշվի առնվի»։

«Սահաբ» գործակալության հաղորդմամբ՝ հեռուստատեսային հարցազրույցում անդրադառնալով տարածաշրջանի վերջին զարգացումներին, Աբբաս Արաղչին ասել է․ «ԱՄՆ-ն ու Սիոնիստական ռեժիմը կուլիսներում մշակված նախագծով փորձում են Դիմադրությունը կանգնեցնել իրարահաջորդ խնդիրների առջև»։ 

Նա նշել է․ «Գազայի ու Լիբանանի զարգացումներցի հետո բնական էր, որ այդ գործողությունները շաունակվեցին։ Իրան և Սիրիայի հետախուզական ծառայությունները տեղյակ էին Իդլիբում տեղի ունեցող տեղաշարժերի մասին և ամբողջ տեղեկատվությունը փոխանցվել էր ՍԻրիայի բանակին։ Զարմանալին սակայն այն է, որ Սիրիայի բանակը չի կարողացել դիմակայել այդ տեղաշարժերին։ Մյուս զարմանալի հանգամանքն այդ գործողությունների արագությունն էր»։

Նշելով, որ սիրիական բանակը հայտնվել է հոգեբանական պատերազմի գերության մեջ, Արաղչին հավելել է․ «Բաշար Ասադին զարմացրել էր սիրիական բանակի վիճակը և մոտիվացիայի բացակայությունը»։
Անդրադառնալով Իրանի և Սիրիայի 40-ամյա հարաբերություններին՝ Արաղչին ասել է. «Այդ հարաբերությունները զարգացել են երեք ուղղությամբ՝ Դիմադրության առանցքը, ԻԼԻՊ-ի դեմ պայքարը և Իրանի աջակցությունը սիրիական կառավարությանը՝ ժողովրդի և ընդդիմության հետ երկխոսության հարցում։ Սիրիայում Իրանի ռազմական  ներկայության նպատակն ԻԼԻՊ-ի դեմ պայքարն էր և հաղթանակից հետո այդ ներկայությունն ավարտվեց»։ 

 Նշելով, որ Իրանը մշտապես Սիրիային հորդորել է տարաձայնությունները հարթելու նպատակով բանակցություններ վարել ընդդիմության հետ, նախարարը հավելել է․ «Իրականում սիրիական կառավարության հակառակորդները տարբեր սպեկտրներից են»։
Նա հավելել է․ «Թեհրանն ուշադրությամբ հետևում է Սիրիայում տեղի ունեցող զարգացումներին և հետագա փոխգործակցությունը կախված կլինի Իրանի նկատմամբ և Սիրիայի շիաների նկատմամբ  նրանց վարած քաղաքականությունից ինչպես նաև նրանից, թե ի՞նչ հեռավորություն կլինի նրանց ու Սիոնսիտական ռեժիմի և նրանց ու ահաբեկչական խմբավորումների միջև»։ 

 ԻԻՀ ԱԳ նախարարն ասել է․ «Մենք սպասում ենք, տեսնելու թե ի՞նչ կառավարություն կձևավորվի Սիրիայում։ Եթե հասկանանք, որ գործընթացը առաջ է գնում բնական հունով, Թեհրանում Սիրիայի դեսպանատունը կլինի նրանց տրամադրության տակ։ Իսկ մինչ այդ, Թեհրանում Սիրիայի դեսպանն ու դեսպանատան անձնակազմը կմնան Իրանում»։ 
Նշելով, որ Սիոնսիտական ռեժիմը գրավել է Գոլանի բարձունքների որոշ շրջաններ, Արաղչին հավելել է․ «Միշտ պետք է զգույշ լինել Սիոնիստական ռեժիմի դավադրություններից»։

Pars Today