Ես չեմ հիշում, պետք է բացեմ, թվերը նայեմ: Այս մասին, այսօր լրագրողների հետ զրույցում անդրադառնալով Աժ պատգամավոր Լևոն Քոչարյանի այն պնդմանը, թե իր հայրիկի նախագահության տարիներին ավելի շատ ներգաղթ է եղել, քան արտագաղթ՝ ասաց Վիճակագրական կոմիտեի նախագահ Ստեփան Մնացականյանը:
«Տեղեկատվական այս մեծ հոսքերի պայմաններում հնարավոր չէ մեծ վաղեմության բաները հիշել»,-ասաց Մնացականյանը՝ հիշելով, որ իր մոտ մի փաստաթուղթ կա, որով կարող է պատասխանել:
Միգրացիայի մնացորդը 2001 թվականինին կազմել է -15 100 մարդ, իսկ սեկտ համակարգով, այսինքն սահմանահատումներով – 22 հազար: Այսինքն ավելի շատ մարդ գնացել է, քան վերադարձել։
2023-ին նախնական տվյալներով, միգրացիոն մնացորդը կազմել է + 41,4 հազար: Սա պայմանավորված է նրանով, որ ներառում է ԼՂ-ից բռնի տեղահանված բնակչությունը:
«1999 թվականից սկսած ներառյալ 2023 թվականը միգրացիոն մնացորդը կազմել է 1մլն 66 հազար, իսկ սահմանային տեղաշարժերով՝ 1մլն 15, 5 հազար: Տարբերությունն այն է, որ սկզբնական հատվածում սահմանային էլեկտրոնային համակարգը դեռ ձևավորված չէր, միայն օդային տրանսպորտով մուտքային ու ելքային ցուցանիշներն էին:
2018 թվականին միգրացիայի մնացորդը կազմել է մինուս 18.2 հազար, իսկ սահմանային էլեկտրոնային համակարգով՝ պլյուս 15.3 հազար»:
