Միացյալ Նահանգները հետաքննում է խիստ գաղտնի հետախուզական փաստաթղթերի արտահոսքը՝ կապված Իրանից վրեժ լուծելու Իսրայելի պլանների հետ. հայտնում է CNN հեռուստաընկերությունը ՝ հղում անելով աղբյուրներին ։
Իր հերթին ՏԱՍՍ-ը հայտնում է, որ հոկտեմբերի 15-16-ով թվագրված «հույժ գաղտնի» փաստաթղթերը համացանցում սկսել են տարածվել Մերձավոր Արևելքի Spectator Telegram ալիքում հրապարակվելուց հետո։
Փաստաթղթերում տեղ գտած տեղեկատվության հիման վրա դրանք հասանելի էին միայն «Հինգ աչքեր» դաշինքի անդամ երկրները, որոնց թվում են Ավստրալիան, Մեծ Բրիտանիան, Կանադան, Նոր Զելանդիան և ԱՄՆ-ը։
Ինչպես նշում է CNN-ը, ԱՄՆ Ազգային հետախուզական գործակալության կազմած փաստաթղթերից մեկում նշվում է Իրանին հարվածելու նախապատրաստության շրջանակներում իսրայելական զինամթերքի տեղափոխման մասին։ Ամերիկյան ազգային անվտանգության գործակալությունն իր հերթին, հրապարակել է «օդ-երկիր» հրթիռների կիրառմամբ Իսրայելի ռազմաօդային ուժերի զոավարժությունների տվյալները։
Մեկ այլ փաստաթղթի համաձայն՝ Իսրայելն ունի միջուկային զենք, սակայն ԱՄՆ-ը չի նկատել, որ հրեական պետությունը մտադրություն ունի այն օգտագործել Իսլամական Հանրապետության վրա հարձակվելու համար. նշում է CNN-ը։