Ակնկալել, որ մարդիկ, որոնք չեն տեսել անցած 6 տարիների ընթացքում այն պետական դավաճանությունների, այն հակապետական գործողությունների իրական դեմքը, իրականությունը, որ այս պահին իրենք կզարթնեն ու կհասկանան, որ դավաճանության մաս են կազմում: Այս մասին այսօր դատախազության դիմաց բողոքի ակցիայի ժամանակ լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը:
«Ակնկալիքներս շատ ցածր են, բայց դա չի նշանակում, որ բոլոր գործիքները, այդ թվում դատական հայցերը պետք չի օգտագործել: Դրանք շատ կարևոր են, որովհետև երբ Հայաստանում իշխանության գան հայրենասերները, այս բոլոր գործերը կազմելու են այն հատորները, որոնցով երկար ժամանակ ազատազրկման վայրերում անց են կացնելու Փաշինյանը և իր խմբակը:
Այնպես որ, որևէ նշանակություն չունի, թե այս կամ այն գործողությունն այս պահին ինչ հետևանք է ունենալու: Այդ հետևանքները կարող են լինել որոշ ժամանակ անց, և այդ արձանագրումները խիստ էական են»,- հայտարարեց Մամիջանյանը:
Հիշեցնենք, որ հոկտեմբերի 6-ին ՍԴ-ի դիմաց կայացած ակցիայի ժամանակ Բագրատ Սրբազանը նշել էր. «Չորեքշաբթի՝ ժամը 12-00-ին, եղեք դատախազության առջև, որովհետև մեր ձեռքում ունենք փաթեթներ ու բոլոր օջախների նպատմամբ քրեական գործեր հարուցվելու հայտեր են ներկայացվելու։
Մենք դատի ենք տվել զանազան պաշտոնյաների, ընդհուպ չարիքին։ Այս գործընթացքը շարունակվելու է թիրախային, մինչև հասնենք մեր ուզածին, իսկ մեր ուզածը մեկն է՝ Հայրենիք ու Պատիվ»:
