Շուրջ 60 ամերիկացի օրենսդիրներ հինգշաբթի հորդորել են ԱՄՆ պետքարտուղար Էնթոնի Բլինքենին ճնշում գործադրել Ադրբեջանի նախագահ Իլհամ Ալիևի վրա, որպեսզի նա աջակցի մարդու իրավունքների պաշտպանությանը և հաջորդ ամիս մայրաքաղաք Բաքվում անցկացվելիք COP29 կլիմայական գագաթնաժողովից առաջ ազատ արձակի քաղբանտարկյալներին:
Նշենք, որ կոնգրեսականների թվում են 10 սենատորներ և Կոնգրեսի 48 ներկայացուցիչներ:
Նրանք Բլինքենին կոչ են արել ստիպել Ադրբեջանին շոշափելի գործողություններ ձեռնարկել քաղբանտարկյալներին ազատ արձակելու ուղղությամբ և դատապարտել Հայաստանի դեմ ուղղված սադրիչ հայտարարությունները, որոնք Արցախի բռնազվթումից հետո վտանգում են խաթարել խաղաղ բանակցությունները։
Կոնգրեսի նամակում, մասնավորապես, ասված է. «Մենք Պետքարտուղարությանը կոչ ենք անում անհապաղ և անվերապահ ազատ արձակել բոլոր քաղբանտարկյալներին, պատանդներին և ռազմագերիներին, նրանց թվում՝ ազգությամբ հայերին, որպեսզի ավելի բարենպաստ միջավայր ստեղծի COP29-ում հաջող դիվանագիտության համար»:
