Հանրային ռադիոյի «Ռադիոլուրն» այսօր արժանի պատասխան է տվել կառույցի տնօրենին։
«Ռադիոլուրի» նյուզռումի պատին ռադիոլուրցիները փակցրել են Ստեփանակերտի ժամանակը ցույց տվող ժամացույց՝ ի նշան բողոքի ու ընդվզման։
Հիշեցնենք, որ երեկ՝ շարջափակված Արցախում ադրբեջանական ագրեսիայի տարելիցին, լրագրողները մտել են «Ռադիոլուր» ու տեսել նյուզռումի պատին փակցված՝ Բաքվի ու Անկարայի ժամանակը ցույց տվող ժամացույցներ։
Հանրային ռադիոյի տնօրենի ժ/պ Արմեն Քոլոյանը հայտարարել է, որ Բաքվի ժամացույցը չի հեռացնի պատից. փոխարենը դա արել է «Ռադիոլուր»-ի անձնակազմը, Բաքվի ժամացույցի տեղում փակցրել Ստեփանակերտի ժամացույցը։
Ահա և «Ռադիոլուր»-ի պատասխանը։
Կասկած չկա, որ տնօրինությունը տեսախցիկներով նայել ու տեսել է, թե ով է այն համարձակ անհնազանդը, որ «Բաքու» ցուցանակը փոխարինել է «Ստեփանակերտ»-ով։
Սպասենք դեպքերի ընթացքին…
