Լույս է տեսել անվանի գիտնական, հայկական էներգետիկական ակադեմիայի հիմնադիր նախագահ, Ռուսաստանի բնագիտության ակադեմիայի պրոֆեսոր «Ազգ»-ի երկարամյա աշխատակից Ստեփան Պապիկյանի «Հայաստանի էներգետիկան. լուսանկարներ» վերտառությամբ գրքույկը, որտեղ ներկայացված են Հայաստանում գոյություն ունեցող էլեկտրակայանների լուսանկարներ: Անհրաշեշտ է նշել, որ Ս. Պապիկյանը շուրջ 50 տարի զբաղվում է Հայաստանի էներգետիկայի հարցերով եւ հսկայական արխիվային լուսանկարներ ունի,որոնց առաձին գրքով հրատարակելը կարեւոր նշանակություն կարող է ունենալ ոլորտի հետագա լուսաբանման եւ զարգացման համար: Հեղինակը ցանկություն ունի Հայաստանում ստեղծել էներգետիկայի թանգարան, որտեղ հնարավոր կլինի հավաքել ավելի քան 120 տարվա էներգետիկայի պատմության վավերագրերը:
Հարկ է նշել, որ Հայաստանում առաջին էլեկտրակայանը կառուցվել է 1903 թ. Դիլիջանում, Աղստեւ գետի վրա, 10 կՎտ հզորությամբ:
