Վրաստանի հավաքականի դարպասապահ Գիորգի Մամարդաշվիլին դարձել է Եվրոպայի 2024 թվականի առաջնության խմբային փուլի լավագույն դարպասապահը՝ սեյվերի քանակով։ Այս մասին հայտնում է ՈւԵՖԱ-ի պաշտոնական կայքը։
Ըստ աղբյուրի՝ Մամարդաշվիլին երեք խաղում կատարել է 21 սեյվ, և բաց է թողել չորս գնդակ, ինչը նաև կրկնում է 2004 թվականի մայրցամաքային առաջնության խմբային փուլում լատվիացի դարպասապահ Ալեքսանդր Կոլինկոյի ռեկորդը։
Երկրորդ տեղում Ռումինիայի հավաքականի դարպասապահ Ֆլորին Նիտան է, որն ունի 13 սեյվ։ Երրորդ տեղը կիսել են հինգ դարպասապահներ՝ Ջանլուիջի Դոննարուման (Իտալիա), Բարտ Վերբրյուգենը (Հոլանդիա), Անգուս Գունը (Շոտլանդիա), Կոեն Կաստելսը (Բելգիա) և Մարտին Դուբրավկան (Սլովակիա):
Armsport.am
