Ժնեւից «Ազգ»ին ծանուցում են, թե մայիսի 7-ին Շվեյցարիայի հայկական եւ հայասեր կազմակերպությունները գումարել են ՇՀՀՄԽ-ի (Շվեյցարիայի հայկական եւ հայասեր միությունների խորհուրդ) հիմնադիր ընդհանուր ժողովը: ՇՀՀՄԽ-ի նպատակն է միասնաբար ներկայացնել Շվեյցարիայի հայկական կազմակերպությունները, համակարգել նրանց գործունեությունը, առանցքային դարձնել Շվեյցարիայում հայկական ինքնության պահպանումը, իրականացնել քաղաքական, լրատվական եւ մարդասիրական ծրագրեր՝ նպատակ հետապնդելով պահպանել հայկական պետության անվտանգությունը, ամենուրեք պաշտպանել հայ ժողովրդի իրավունքներն ու հայկական մշակութային ժառանգությունը: ԼՂ հայության իրավունքների պաշտպանությունը մնում է առանցքային: Սույն խորհրդի ստեղծման սկիզբը դրվել է դեռեւս 2020 -ի աշնանը ԼՂ պատերազմի ժամանակ, երբ շվեյցարական եւ միջազգային լսարանին մեկ ձայնով ներկայանալու անհրաժեշտություն առաջացավ: ՇՀՀՄԽ-ն ներկայումս միավորում է 13 կազմակերպությունների, որոնց թիվը շուտով կհամալրվի: Խորհրդի վարչության անդամներն են Կարոլին Բաբաեգիդեանը (AGBU Young Professionals – YP Zurich), Լեռնա Պաղճեանը (AGBU Young Professionals – YP GenՌve), Վիգեն Բայրամեանը (Armenian General Benevolent Union – AGBU Switzerland), Ալեն Նավարա դը Բորջիան (Hyestart): Խորհրդի վարչության նախագահն է Սարգիս Շահինեանը (Association Suisse Arme՛nie GSA):
ԱՆԱՀԻՏ ՀՈՎՍԵՓՅԱՆ
Գերմանիա
