Ռուսականի փոխարեն, Հունգարիան առաջին անգամ գազ է գնել Ադրբեջանից ու Թուրքիայից
Հունգարիան շարունակում է դիվերսիֆիկացնել իր մատակարարումները՝ նվազեցնելու ռուսական գազից կախվածությունը. ասել է Հունգարիայի արտաքին գործերի և առևտրի նախարար Պետեր Սիյարտոն Բաքվի էներգետիկ ֆորումում ունեցած ելույթի ժամանակ։
Նրա խոսքով՝ երկրի տարեկան գազի սպառումը կազմում է 9-10 միլիարդ խորանարդ մետր, որից միայն 1,5 միլիարդ խորանարդ մետրն է արտադրում հենց Հունգարիան։
«Ռուսական գազից կախվածությունը նվազեցնելու համար աշխատանքներ են տարվել և տարվում Ադրբեջանից, Թուրքիայից և Կատարից գազ գնելու ուղղությամբ»,- նշել է նախարարը։
Հունգարացի նախարարը նաև ընդգծել է, որ Հունգարիան այս տարի առաջին անգամ գազ է գնել Ադրբեջանից և Թուրքիայից։
Փիթեր Սիյարտոն հավելել է, որ Քաթարում բանակցությունները շարունակվում են, և մոտ ապագայում այս ոլորտում պայմանավորվածություն ձեռք կբերվի։
