Այսօր մեզ պետք է մեկը, ով կարող է վերցնել այդ պատասխանատվությունը։ Մեզ պետք է, մի մարդ, ով կկարողանա համախմբել բոլորին և կախված չի լինի ոչ մեկից՝ բացի սեփական խղճից, սեփական ժողովրդից ու պետության շահից. «Տավուշը հանուն Հայրենիքի» շարժման մեծ հանրահավաքին ասաց պրոֆեսոր, արևելագետ Գուրգեն Մելիքյանը։
Հանրապետության հրապարակն այսօր ևս մարդաշատ էր։ Իշխանական քարոզչամեքենան դեռ չի հասցրել իրական թվից մի քանի անգամ քիչ թիվ հայտնել, բայց դա այլևս ոչ մեկին չի հուզում, որովհետև ժողովրդի ոգևորությունն այսօր գագաթնակետին էր հասել։
Գուրգեն Մելիքյանը հայտնեց, որ ընդդիմության՝ վարչապետի միասնական թեկնածուն Բագրատ Սրբազանն է։ Մեկ ամիս շարունակ քննարկումների արդյունքում բոլորը միաձայն այդ որոշմանն են հանգել։
Բագրատ Սրբազանն էլ հայտնեց. «խնդրել եմ Վեհափառին 30-ամյա իմ հոգևոր ծառայությունը սառեցնել»։
Նա հավելեց, որ որևէ ակնկալիք չունի։ Հերթական կամ արտահերթ ընտրություններում իր թեկնածությունը չի առաջադրելու, միայն անցումային փուլում է ստանձնելու վարչապետի պաշտոնը։ Նա նորից հրավիրեց Նիկոլ Փաշինյանին հանդիպման, հետո ասաց, որ ինքն է գնում կառավարական առանձնատուն՝ տեսնելու Փաշինյանին։
Բազմահազարանոց երթը շարժվեց Սրբազանի հետևից, սպասեց մինչև ուշ երեկո. Փաշինյանը դուրս չեկավ, չարձագանքեց։ Իսկ այդ ընթացքում Երևանի փոքր կենտրոնն ավելի ու ավելի էր հեղեղվում ոստիկաններով։
«Դու արդեն նախկին ես, ես՝ ներկա։ Դուրս արի խոսենք։
Նիկոլ Փաշինյան, այս վայրկյանից սկսած քննարկելու թեմա ունենք մենք միասին։ Ինչպես հրապարակում եմ ասել, Դուք Ձեզ ժամանակին շատ ժողովրդական մարդ էիք համարում։ Այս նույն ժողովուրդը մի ժամանակ Ձեզ է բերել իշխանության։
Մենք եկել ենք պարզ խոսակցության, խոսակցություն մեկ թեմայով՝ Ձեր խաղաղ, անցնցում հեռանալու մասին»,- ասաց Շարժման առաջնորդը։
Ինչպես տեղեկացրել է Սրբազանը, մայիսի 27-ին՝ ժամը 8։00, կմակնարկեն անհնազանդության ակցիաները։
«Հիմա մեզ անհրաժեշտ է, որ առավոտյան ժամը 8-ին մեկ մարդու պես լինենք փողոցում։ Մեր մայրերին եմ ասում՝ ձեր զավակներին մանկապարտեզ տանելու փոխարեն դուրս եկեք փողոց, մի քանի օր։ Հենց մեր զավակների անվտանգ և ապահով ապրելու համար և ոչ վտանգների»,-ասաց Բագրատ Սրբազանը։
Նիկոլը պետք է հեռանա։
