44-օրյա պատերազմից հետո Լեռնային Ղարաբաղում տեղի ունեցածը կրկնվում է Հայաստանում։ Այս մասին լրագրողների հետ զրույցում մայիսի 21-ին հայտնել է Լեռնային Ղարաբաղի խորհրդարանի նախկին պատգամավոր Մետաքսե Հակոբյանը։
«Հողի վրա մեք տեսնում ենք, թե ով է հանձնում Հայաստանի տարածքները։ Նույնը արեցին Լեռնային Ղարաբաղում։ Թշնամական զորքերի առկայությունը կհանգեցնի այն բանին, որ մարդիկ չեն կարողանա ապրել այդ գյուղերում»,- նշել է նա։
Նրա խոսքով՝ քիչ են Լեռնային Ղարաբաղի այն քաղաքացիները, որոնք չեն մասնակցել բողոքի ակցիաներին՝ վախենալով կորցնել Հայաստանի կառավարության աջակցությունը։
Հակոբյանը նշել է, որ մարդը, ով կորցրել է իր մերձավորներին եւ հայրենիքը, չի կարող առաջնահերթ ղեկավարվել նյութական արժեքներով։
«Սա գոյության պայքար է, Լեռնային Ղարաբաղ վերադառնալու հույս։ Անկախ այս կամ այն իշխանությունից՝ մեր պահանջները չեն փոխվի. Լեռնային Ղարաբաղի ժողովրդի իրավունքների պաշտպանություն միջազգային ատյաններում»,- ընդգծել է պատգամավորը։
Հակոբյանն ավելացրել է, որ «Հանուն Հայրենիքի» շարժումը այդ հույսը վերածել է վստահության։
