Շատերը հիշում են ՀՀ գլխավոր ուրացողի՝ ԱԺ ամբիոնից հնչեցրած հայտարարությունը, որտեղ նա իրեն յուրահատուկ անգրագիտությամբ պնդում էր՝ ՀՀ-ը չունի կադաստրի վկայական և հայ ժողովրդին կարող են ամեն պահի դուրս հրավիրել իր հայրենիքից։
Հայաստանի ինքնիշխան Հանրապետությունն ուրացողին այսօր միացել է հայր և եղբայր ուրացած ՀՀ արդարադատության նախարար Գրիգոր Մինասյանը (նրա սիրելի հայրը և խելացի եղբայրը գտնվում են հետախուզման մեջ)։
Գրիգորն ի պատասխան սահմանադրագետ Վարդան Ղուկասյանի՝ սահմանազատման հարցերի շուրջ մեկնաբանությունների՝ հայտարարել է, որ ՀՀ պետական ռեգիստրի կողմից տրված վկայականները անհիմն են, կազմվել են ոչ ճշգրիտ և փաստացի վավերական չեն։
Քանի որ Գրիգորը տակավին չի թևակոխել տարիքի հետ ձեռք բերվող փորձի և իմաստության շեմը, հիշեցնենք նրան, որ ՀՀ Պետռեգիստրի և կադաստրի վկայականները ՀՀ անկախության ձեռքբերումից հետո կամայականորեն չեն կազմվել և բացառապես հիմնված են եղել ՀԽՍՀ տեղական ինքնակառավարման մարմինների և դրանց հանրապետական կամ միութենական գերադաս կառույցների համապատասխան իրավական կարգավորումների վրա։
Ուստի ՀՀ կադաստրի վկայականները ընդամենը վերավավերացրել են գոյություն ունեցող հողի, տնամերձների սեփականության վկայականները, որոնց հիման վրա ՀԽՍՀ բյուջե են ընդունվել հողի վարձավճարներ և կամ ուշացման ապառքներ։
Այս իմաստով միայն ուրացման անեզր հակում կամ հույժ ծառայամտություն ունեցողը կարող է պնդել, որ ՀԽՍՀ պաշտոնատար անձիք ապօրինի հողի վկայականներ կարող էին տալ և «Ադրբեջանի հողերը նվիրել» Նոյեմբերյանի աշխատավորներին։
Արդարադատության ներկա նախարարին կարելի է կարեկցել շտապողականության և փաստերի արժանահավատ բազայի պակասուրդ ունենալու համար։
Նրան պետք է խորհուրդ տալ ուսումնասիրել Նոյեմբերյանի շրջանի արխիվային փաստաթղթերը։ Դրանից հետո, որպես հավելյալ առաջադրանք՝ նրան խորհուրդ կտանք ծանոթանալ իր հայրենասեր պապիկի կենսագրությանը՝ խելքի գալու ռոմանտիկ ակնկալիքով
Իմիջիայլոց, այս նախարարի նկարը վերցրել ենք ՀՀԿ Երևանի քաղաքի ավագանու բազայից, որտեղ նա ջերմեռանդությամբ զարդարում էր ՀՀԿ ցուցակը։
Հրայր Կամենդատյան, «Հայաքվե» նախաձեռնության ներկայացուցիչ
