Բելգրադում ընթացող շախմատի Եվրոպայի կանանց առաջնության 2-րդ տուրում հայաստանցի շախմատիստուհիներից միայն Մարիա Կուրսովային հաջողվեց հաղթանակ տոնել: Նրա մրցակցուհին Կատարինա Նեստորովիչն էր: Այդ հաղթանակի շնորհիվ Կուրսովան վաստակեց 2 միավոր եւ 23 շախմատիստուհիների հետ գլխավորեց աղյուսակը:
Լիլիթ Գալոյանը հաշտություն կնքեց Նատալյա Ժուկովայի հետ, իսկ Լիլիթ Մկրտչյանը ոչ-ոքի խաղաց Ելենա Սեդինայի հետ: 2 Լիլիթն էլ 1,5 միավոր ունեն: Առաջին կես միավորը վաստակեց միջազգային վարպետ Աննա Հայրապետյանըՙ հաշտություն կնքելով Թամարա Կեզելեի հետ: Իսկ ահա ռուսաստանցի Ալինա Բալայանը կրկին պարտվեց: Նրա մրցակցուհին Իրինա Ուտյաչկայան էր:
