Թուրքիայի տարածքում գտնվող երբեմնի հայկական մայրաքաղաք Անիի ավերակներում 45 օր պեղումներ են իրականացվելու: Անիում վերջին անգամ պեղումներ են իրականացվել 2 տարի առաջՙ 2011 թվականին
News.am-ից տեղեկացանք, որ թուրքական Anadolu գործակալության հետ զրույցում Կարսի նահանգի մշակույթի ու տուրիզմի վարչության տնօրեն Հաքան Դողանայը հայտնել է, որ Թուրքիայի մշակույթի եւ տուրիզմի նախարարությունը 110 հազար լիրա է հատկացրել Անիում 45 օր տեւող գիտական պեղումների համար:
Թուրք պաշտոնյան պնդել է, թե Ռուսաստանի տիրապետության ժամանակ Անիում 14 տարի պեղումներ են կատարվել, եւ Ռուսաստան տեղափոխվել են 4 վագոն գտածոներ, որոնց մեծ մասը ցուցադրվում է ռուսական թանգարաններում:
